Paul Pogba miðjumaður Manchester United hefur blásið á sögusagnir þess efnis um að hann gæti yfirgefið félagið í sumar.

Pogba hefur verið orðaður við önnur félög síðustu vikur og samband hans við Jose Mourinho hefur verið sagt slæmt.

Á þetta blæs Pogba. ,,Það eru ekki nein vandræði hjá  gagnvart Mourinho,“ sagði Pogba í frönsku sjónvarpi í gær.

,,Ég tel að hann sé ekki með neitt vandamál gagnvart mér, hann er stjórinn, hann ræður. Ég er leikmaður og ég tek því sem gerist og svara innan vallar, það er allt og sumt.“

Pogba sagði að Mourinho væri ekki fyrir það að útskýra þegar leikmenn væru á bekknum.

,,Það fer eftir þjálfaranum, sumir ræða við leikmenn en Mourinho tekur ákvörðun og þú verður bara að virða hana.“

,,Ég er hjá Manchester United og ég hugsa bara um það sem er að gerast núna, við erum í úrslitum bikarsins og það er HM hjá mér.“

,,Félagaskipti eru ekki í mínum huga.“