Mikel Arteta, aðstoðarmaður Pep Guardiola hjá Manchester City gæti tekið við Arsenal en það er Sky Sports sem greinir frá þessu.
Arteta þekkir vel til hjá Arsenal en hann spilaði með liðinu á árunum 2011 til 2016.
Þá þekkir hann ensku deildina vel eftir að hafa spilað með Everton á árunum 2005 til 2011.
Arteta lagði skóna á hilluna og var þá strax ráðinn inn í þjálfarateymi Manchester City þegar Pep Guardiola tók við liðinu.
Hann og Guardiola eru góðir vinir eftir að hafa verið saman hjá Barcelona en Arteta var meðal annars fyrirliði Arsenal þegar hann lagði skóna á hilluna.