Jesse Lingard, sóknarmaður Manchester United er að fá nýjan samning hjá félaginu en frá þessu greina enskir fjölmiðlar.
Lingard hefur ekki alltaf verið í náðinni hjá stuðningsmönnum United sem voru margir að missa þolinmæðina gagnvart honum.
Hann hefur hins vegar verið flottur á þesari leiktíð og hefur hann skorað 14 mörk og lagt upp önnur 5 á þessari leiktíð.
Lingard skrifaði undir nýjan samning við félagið fyrir tæpu ári síðan en þrátt fyrir það vill félagið framlengja við hann á nýjan leik.
Hann þénar í dag í kringum 85.000 pund á viku en United er sagt tilbúið að borga honum í kringum 100.000 pund til þess að verðlauna hann fyrir frammistöðuna á þessari leiktíð.
