Mohamed Salah, sóknarmaður Liverpool var í gær valinn besti leikmaður ensku úrvalsdeildarinnar.

Það eru leikmenn í ensku úrvalsdeildinni sem velja besta mann deildarinnar í þessu kjöri en Salah hefur verið magnaður á þessu tímabili.

Hann kom til Liverpool frá Roma síðasta sumar og er markahæsti leikmaður deildarinnar með 31 mark.

Salah er búinn að jafna met þeirra Alan Shearer, Cristiano Ronaldo og Luis Suarez yfir flest mörk skoruð í 38 leikja deild.

Jurgen Klopp kom upp á skjánum í salnum en hátíðin var í London og var langt fram eftir í gær.

,,Taktu nú bikarinn og komdu þér heim, við eigum leik á þriðjudag,“ sagði Klopp en þá mætir Roma í heimsókn á Anfield í fyrir leik liðanna í undanúrslitum Meistaradeildarinnar.