Álasund tók á móti Tromsdalen í norsku 1. deildinni í dag en leiknum lauk með 4-0 sigri heimamanna.
Torbjörn Agdestein og Fredrik Carlsen skoruðu sittmarkið hvor fyrir heimamenn í fyrri hálfleik og staðan því 2-0 í leikhléi.
Hólmbert Aron Friðjónsson skoraði svo þriðja mark leiksins á 70. mínútu áður en hann bætti fjórða markinu við á 85. mínútu og lokatölur því 4-0 fyrir Álasund.
Hólmbert var í byrjunarliði Álasund í dag, líkt og Aron Elís Þrándarsson sem lagði upp fyrsta mark Hólmberts í leiknum og þá kom Daníel Grétarsson inn á sem varamaður á 82. mínútu.
Álasund hefur farið mjög vel af stað á þessari leiktíð og er á toppi deildarinnar með 10 stig eftir fyrstu fjóra leikina.