Manchester United og Tottenham mættust í undanúrslitum FA-bikarsins í gær en leiknum lauk með 2-1 sigri United.
Dele Alli kom Tottenham yfir snemma leiks en Alexis Sanchez jafnaði metin fyrir United og staðan því 1-1 í hálfleik.
Það var svo Ander Herrera sem skoraði sigurmark leiksins á 62. mínútu og United fer því áfram í úrslit keppninnar en Tottenham er úr leik.
Jose Mourinho, stjóri Manchester United greindi frá því eftir leik að Ed Woodward, stjórnarformaður félagsins hefði sent honum smáskilaboð fyrir leikinn.
„Ég hef trú á því að við séum að fara vinna þennan leik á eftir,“ sendi Woodward stjóranum.
„Ef við vinnum ekki þá get ég samt horft tilbaka á þetta tímabil og verið ánægður.“
„Það eru allir að róa í sömu átt og hlutirnir eru á uppleið,“ sagði hann að lokum.