Chelsea og Southampton mættust í undanúrslitum enska FA-bikarsins í dag en leiknum lauk með 2-0 sigri Chelsea.
Það voru þeir Olivier Giroud og Alvaro Morata sem skoruðu mörk Chelsea í leiknum en þau komu bæði í síðari hálfleik.
Chelsea er því komið áfram í úrslitaleikinn þar sem að liðið mætir Manchester United þann 19. maí næstkomandi en Southampton er úr leik.
Antonio Conte, stjóri Chelsea var að vonum afar sáttur með að vera kominn í úrslit bikarsins.
„Við áttum skilið að vinna þennan leik. Ég er mjög ánægður að vera kominn í úrslit bikarsins, annað árið í röð,“ sagði Conte.
„Ég er stérstaklega ánægður fyrir hönd stuðningsmannanna, þeir áttu þetta skilið. Núna ætlum við okkur að reyna setja smá pressu á liðin fyrir ofan okkur í deildinni og ná Meistaradeildarsæti.“
„Það er mikilvægt að spila til úrslita um FA-bikarinn því við höfum verið í smá vandræðum í deildinni. Ég reikna með því að við munum spila í Evrópudeildinni á næstu leiktíð, ekki Meistaradeildinni,“ sagði Conte að lokum.
