Real Madrid ætlar sér að fá Robert Lewandowski, framherja Bayern Munich í sumar en það er Sky Sports sem greinir frá þessu.
Lewandowski hefur verið orðaður við brottför frá Bæjurum að undanförnu en hann vill reyna fyrir sér annarsstaðar.
Hann hefur spilað í Þýskalandi undanfarin átta ár en hann kom til Borussia Dortmund frá Lech Poznan árið 2010.
Real Madrid hefur mikinn áhuga á leikmanninum en Bæjarar vilja engu að síður alls ekki missa einn sinn allra mikilvægasta leikmann.
Það virðist hins vegar fátt geta komið í veg fyrir að Pólverjinn fari í sumar en öll stærstu lið Evrópu hafa áhuga á honum.