Manchester United og Tottenham mættust í undanúrslitum FA-bikarsins í dag en leiknum lauk með 2-1 sigri United.

Dele Alli kom Tottenham yfir snemma leiks en Alexis Sanchez jafnaði metin fyrir United og staðan því 1-1 í hálfleik.

Það var svo Ander Herrera sem skoraði sigurmark leiksins á 62. mínútu og United fer því áfram í úrslit keppninnar en Tottenham er úr leik.

Herrera, markaskorari United var að vonum sáttur með sigurinn í dag.

„Ég er mjög sáttur, auðvitað, það er ekki annað hægt,“ sagði miðjumaðurinn.

„Við erum komnir í úrslit og við erum farnir að þekkja það ágætlega að spila úrslitaleiki.“

„Þetta félag snýst um að vinna titla og spila úrslitaleiki,“ sagði hann að lokum.