Arsene Wenger mun láta af störfum sem þjálfari Arsenal í sumar eftir 22 ár í starfi.

Þessi franski stjóri hefur ákveðið að kalla þetta gott.

Wenger hefur mátt þola mikla gagnrýni í starfi síðustu ár og hefur það tekið á hann.

Hans verður hins vegar alltaf minnst sem goðsögn hjá félaginu en hann vann enska bikarinn meðal annars sjö sinnum.

Yfirlýsing Wenger:
Eftir að hafa íhugað málið alvarlega eftir viðræður við félagið hef ákveðið að nú sé rétti tíminn fyrir mig að stíga til hliðar.

Ég er þakklátur fyrir að hafa fengið að þjóna þessu félagi í svona mörg ár. Ég stýrði félaginu alltaf af metnaði og heils hugar.

Ég vil þakka starfsfólki, leikmönnum, stjórnarmönnum og stuðningsmönnum sem hafa gert þetta sérstakt.

Ég bið stuðningsmenn að standa á bakvið liðið til að þetta endi vel. Til allra sem elskið Arsenal, passið gildi félagsins.