Claus Lundekvam sem er goðsögn hjá Southampton hefur verið að ganga í gegnum afar erfiða tíma undanfarið.

Lundekvam hefur í tvígang reynt að taka eigið líf en hann hefur háð harða baráttu við áfengi og vímuefni.

Lundekvam er frá Noregi en hann lék með Southampton í tólf ár eða til ársins 2008.

,,Ég hef verið mjög nálægt því að drepa mig í tvígang,“ sagði Lundekvam sem hefur verið háðu vodka og kókaíni.

,,Ég gekk í gegnum mikinn sársauka, ég gat ekki tekist á við skömmina. Fíknin stjórnaði öllu lífi mínu, ég hugsaði bara um áfengi, kókaín og pillur til að komast í gegnum dagana.“

,,Ég fór í hjartastopp, ég tók of mikið. Ég gat ekki lifað lengur, ég taldi það betra fyrir fjölskyldu mína að ég væri dauður. Þetta hefur verið helvíti, ég er ánægður að vera laus við þetta í dag.“

,,Ég vaknaði skjálfandi á morgnana, þurfti stórt glas af vodka til að komast í gang. Ég drakk eina til tvær flöskur af vodka á dag.“

,,Ég prufaði kókaín og um tíma hélt ég að það væri lausn við öllu. Það er erfitt að sofa á kókaíni, ég þurfti margar svenfpillur til að sofna.“