Carlos Carvalhal, stjóri Swansea ber mikla virðingu fyrir Pep Guardiola, stjóra Manchester City.
City tekur á móti Swansea í ensku úrvalsdeildinni á sunnudaginn næsta en heimamenn tryggðu sér Englandsmeistaratitilinn um síðustu helgi.
Swansea er í sautjánda sæti deildarinnar með 33 stig og er í harðri baráttu um að halda sæti sínu í deildinni en liðið er fjórum stigum frá fallsæti.
„Það eru guðir í fótboltanum eins og á öðrum stöðum og Pep er einn af þeim,“ sagði Carvalhal.
„Pep er magnaður stjóri og fólk mun alltaf minnast hans sem stjóra sem breytti leiknum.“
„Fólk hefur oft efast um hann en hann hefur sýnt og sannað að fallegur fótbolti getur verið árangsríkur hjá Bayern Munich, Barcelona og nú City.“
„Margir héldu að honum myndi mistakast á Englandi en hann hefur afsannað þá kenningu,“ sagði stjórinn að lokum.
