Michael Carrick, miðjumaður Manchester United bað um að vera ekki valinn í enska landsliðið eftir HM í Suður-Afríku árið 2010.
Carrick varð þunglyndur á Heimsmeistaramótinu og vildi ekki spila áfram með landsliðinu, eftir það.
„Ég var búinn að vera lengi í hópnum þegar kom að þessu og mér fannst það erfitt,“ sagði miðjumaðurinn.
„Ég varð þunglyndur á endanum og ég gat ekki meira eftir HM 2010. Ég bað um að vera ekki valinn aftur,“ sagði hann að lokum.