Louis van Gaal, fyrrum stjóri Manchester United er alls ekki allra en hann tók við liðinu sumarið 2014.

Van Gaal fékk ekki mikinn tíma með liðið og var látinn taka pokann sinn árið 2016 þegar félagið ákvað að ráða Jose Mourinho í brúna.

Hollendingurinn mætti inn með miklum látum og var fljótur að láta til sín taka, meðal annars með því að láta ákveðna leikmenn vita af því að þær mættu fara.

Einn af þessum leikmönnum var Rafael da Silva en hann varð þrívegis Englandsmeistari með liðinu.

„Þegar að Van Gaal var kynntur sem stjóri liðsins voru nokkrir sem sögðu mér að honum líkaði illa við brasilíska leikmenn en ég trúði því ekki,“ sagði Rafael.

„Á sínu fyrsta tímabili kallaði hann mig inn á skrifstofu sína og sagði mér að ég mætti fara. Þessi fundur tók ekki nema tæpa mínútu.“

„Ég vildi aldrei fara því ég elskaði þetta félag og geri hann. Hann sendi mér svo skilaboð þar sem hann útskýrði fyrir mér að svona virkaði fótboltinn.“

„Ég var svekktur en þakkaði honum fyrir, ég vildi vera kurteis og ákvað því að segja ekki það sem lá mér á hjarta,“ sagði hann að lokum.