Burnley tók á móti Chelsea í ensku úrvalsdeildinni í kvöld en leiknum lauk með 2-1 sigri gestanna.

Kevin Long kom varð fyrir því óláni að skora sjálfsmark á 20. mínútu og gestirnir því 1-0 yfir í hálfleik.

Ashley Barnes jafnaði metin fyrir Burnley á 64. mínútu eftir að skot frá Jóhanni Berg Guðmundssyni hafnaði í framherjanum og þaðan fór hann í netið.

Victor Moses skoraði svo sigurmark leiksins á 69. mínútu og lokatölur því 2-1 fyrir Chelsea í hörkuleik.

Sean Dyche, stjóri Burnley var svekktur með að tapa leiknum í kvöld og fannst sínir menn eiga meira skilið.

„Þeir fengu nokkur góð færi til þess að skora en þau komu oftast eftir slakan varnarleik frá okkur. Fyrsta markið var algjör klaufaskapur og við vorum óheppnir,“ sagði stjórinn.

„Það er búið að tala mikið um þetta lið á þessari leiktíð en þetta er engu að síður frábært lið og eitt af þeim sterkari á Englandi. Það er ekki auðvelt að lenda undir gegn þeim en mér fannst við sína mikið þroskamerki, við komum sterkari til leiks eftir að hafa lent undir.“

„Ég er mjög sáttur með þetta tímabil hjá okkur. Við höfum aldrei verið ofar og við erum að gefa toppliðunum alvöru leiki sem er mikilvægt. Við erum ekki jafn góðir og þau, við erum ekki nálægt þeim en við höfum engu að síður bætt okkur mikið,“ sagði hann að lokum.