Julio Cesar, fyrrum markmaður Inter Milan greindi frá því á dögunum að Jose Mourinho hefði sent sér skilaboð fyrir nokkrum árum þar sem hann drullaði yfir Iker Casillas, þáverandi markmann Real Madrid.

Mourinho stýrir í dag Manchester United en hann og Casillas unnu saman hjá Real Madrid á sínum tíma og ákvað Portúgalinn að bekkja markmanninn eftir að það slettist upp á vinskapinn hjá þeim.

Brasilía og Portúgal mættust svo í úrslitum Álfukeppninnar árið 2013 þar sem að Brasilía hafði betur, 3-0 og var Cesar valinn markmaður keppninnar.

Hann tók á móti verðlaununum í treyju Casillas eftir að þeir höfðu skipts á treyjum í leikslok og sendi Mourinho honum skilaboð eftir leikinn en hann og Cesar unnu saman hjá Inter Milan á sínum tíma.

„Þegar að ég kom í klefann sá ég skilaboð frá Mourinho á símanum hjá mér,“ sagði Cesar.

„Þú ert klikkaður, það er hann sem á að klæðast treyjunni þinni, ekki öfugt. Þú verð fleiri skot með annarri hendi en Casillas,“ sagði Mourinho að lokum.