Forráðamenn Liverpool eru afar ósáttur með miðaverð á leikinn gegn Roma sem fram fer á Ítalíu þann 2. maí næstkomandi.
Liverpool og Roma mætast í undanúrslitum Meistaradeildarinnar en fyrri leikur liðanna fer fram á Anfield þann 24. apríl næstkomandi.
Stuðningsmenn Roma þurfa að borga 48 pund fyrir miðann á leikinn á Anfield á meðan stuðningsmenn Liverpool þurfa að borga 73 pund fyrir sína miða á útileikinn.
Liverpool fær 5.000 miða á útileikinn en til samanburðar þurftu stuðningsmenn Chelsea að borga 44,5 pund fyrir sína miða á leikinn í riðlakeppninni.
Liverpool hefur kvartað undan miðaverðinu til UEFA sem gæti þurft að bregðast við ef of mikið ósamræmi er á milli miðaverðs til stuðningsmanna Roma og Liverpool.
