Barcelona reynir nú að framlengja samning sinn við Samuel Umtiti, varnarmann liðsins.
Umtiti hefur verið sterklega orðaður við Manchester United að undanförnu en hann er með klásúlu í samningi sínum sem gerir honum kleift að yfirgefa félagið fyrir 54 milljónir punda í sumar.
United er tilbúið að borga þessa upphæð fyrir miðvörðinn og þá eru þeir sagðir tilbúnir að hækka hann umtalsvert í launum.
Samkvæmt Mundo Deportivo þá vill Barcelona setja 250 milljón evra klásúlu í samning hans en það er upphæð sem fá lið geta borgað.
Barcelona vill klára nýjan samning við leikmanninn áður en HM í Rússlandi hefst í sumar en Jose Mourinho, stjóri Manchester United ætlar sér að fá nýjan miðvörð á Old Trafford í sumar.