Mohamed Salah hefur sett stefnuna á að bæta markamet Ian Rush hjá Liverpool en hann skoraði 47 mörk á einu tímabili.
Salah hefur skorað 40 mörk í ár og hefur í mesta lagi sjö leiki til að bæta met Rush en þeir verða bara sex ef Liverpool kemst ekki í úrslit Meistaradeildarinnar.
Miðað við frammistöðu Salah undanfarið þá mun honum takast að bæta metið.
,,Það er tækifæri til að bæta met, að verða sá markahæsti hjá Liverpool. Það er stórt,“ sagði Salah sem er á sínu fyrsta tímabili.
,,Ég verð mjög glaður ef ég bæti metið, ég er sáttur með 40 mörk en ég vil skora meira.“
,,Það er alltaf gott að sjá nafnið þitt nálægt goðsögnum hjá Liverpool.“