Toby Alderweireld miðvörður Tottenham fékk loks að spila í gær þegar liðið gerði 1-1 jafntefli við Brighton.
Alderweireld hefur ekki viljað skrifa undir nýjan samning við Tottenham og er líklegt að félagið selji hann i sumar.
Sökum þess hefur miðvörðurinn öflugi frá Belgíu ekkert fengið að spila eftir að hann jafnaði sig eftir meiðsli.
Davinson Sanchez fékk hvíld gegn Brighton í gær en ekki er talið að Alderweireld fái að byrja geng Manchester United á laugardag, í undanúrslitum enska bikarsins.
,,Ég er ánægður með að hafa fengið að hjálpa liðinu, ég gerði mitt besta,“ sagði Alderweireld.
,,Ég var ánægður með að líkami gerði það sem ég vildi, ég reyni að fá fleiri mínútur.“