Kaka sem eitt sinn var besti knattspyrnumaður heims segir að það hafi verið afar erfitt fyrir sig að vinna mðe Jose Mouinho.

Kaka var keyptur til Real Madrid árið 2009 og ári síðar tók Mourinho við liðinu.

Áður en Mourinho tók við og eftir að hann mætti á svæðið náði Kaka aldrei að sýna sínar bestu hliðar.

,,Ég tók tilboði Real Madrid en mér var gjörsamlega slátrað þar, ég gat aldrei sýnt það sem ég gerði hjá Milan,“ sagði Kaka.

,,Jose Mourinho var mjög erfiður þjálfari, ég virti hann en samband okkar var flókið.“

,,Þegar ég hélt að ég væri að fá tækifæri þá tókst mér aldrei að sanna hvað ég gæti.“

,,Ég æfði og barðist, ég fékk ekkert traust frá þjálfaranum. Ég áttaði mig á því að ég gæti ekki unnið með Mourinho.“