Michael Carrick miðjumaður Manchester United er nú þegar byrjaður að starfa sem þjálfari hjá félaginu.

Carrick leggur skóna á hilluna í sumar og fer beint í þjálfarateymi Jose Mourinho.

Carrick er byrjaður að leggja sitt að mörkum og átti fund með Paul Pogba í upphafi vikunnar.

Framtíð Pogba er í óvissu en hann hefur ekki spilað vel eftir áramót og samband hans við Jose Mourinho er sagt slæmt.

Ensk blöð segja að Carrick hafi ráðlagt Pogba að laga samband sitt við Mourinho og koma sér í sitt besta form.

Sögur eru á kreiki að Mino Raiola umboðsmaður Pogba sé byrjaður að ræða við PSG um að kaupa hann í sumar.