Mark frá Harry Kane dugði ekki Tottenham til að leggja Brighton af velli í ensku úrvalsdeildini í kvöld.
Tottenham heimsótti Brighton en nokkra lykilmenn vantaði í byrjunarliðið, þar má nefna Eric Dier, Moussa Dembele og Dele Alli.
Kane kom Tottenham yfir á 48 mínútu leiksins, hans 26 deildarmark á þessari leiktíð.
Adam var þó ekki lengi í paradís því tveimur mínútum síðar jafnaði, Pascal Groß úr vítaspyrnu.
Þar við sat en Tottenham er með 68 stig í fjórða sæti, áttum stigum meira en Chelsea í fimmta sætinu sem á þó leik til góða.
Brighton er með 36 stig í 13 sæti og svo gott sem búið að bjarga sér frá falli.