Síðasti miðasöluglugginn fyrir HM 2018 í Rússlandi hefst á morgun, 18. apríl, og verður opinn til 15. júlí. Glugginn opnar klukkan 09:00 að íslenskum tíma, eða klukkan 12:00 í Moskvu.
Um er að ræða fyrstur kemur, fyrstur fær og verður salan opin svo lengi sem miðar eru til.
Á vef FIFA segir að miðar á alla leiki mótsins verði í boði, því verður hægt að kaupa miða á leik Íslands og Argentínu.
Íslendingar geta því tryggt sér miða á leikinn en ekki kemur fram hversu margir miðar verða í boði.
Einnig verða í boði miðar á leiki Íslands gegn Króatíu og Nígeríu.
