Manchester United sá til þess að í gær varð Manchester City enskur meistari. United tók á móti West Brom á heimavelli, slakasta liði ensku úrvalsdeildarinnar.
City vann Tottenham í fyrradag og með tapi United í gær er liðið orðið enskur meistari þegar fimm leikir eru eftir. United átti afar slakan leik í gær en í fyrri hálfleik hefði liðið átt að fá vítaspyrnu þegar brotið var á Ander Herrera.
Liðið spilaði hins vegar einn af sínum slakari leikjum í vetur og það kom í bakið á þeim á 73 mínútu leiksins þegar Jay Rodriguez tryggði sigur gestanna. Sigur City í deildinni því staðreynd en liðið hefur haft rosalega yfirburði.
Einn stuðningsmaður Manchester United svaf værum blundi á Old Trafford í gær á meðan liðið hans spilaði afar leiðinlegan fótbolta.
Mynd af því er hér að neðan en ekki fylgir sögunni hvort að sá gamli hafi verið búinn að staupa sig fyrir leik.