Manchester United sá til þess að í gær varð Manchester City enskur meistari. United tók á móti West Brom á heimavelli, slakasta liði ensku úrvalsdeildarinnar.
City vann Tottenham í fyrradag og með tapi United í gær er liðið orðið enskur meistari þegar fimm leikir eru eftir. United átti afar slakan leik í gær en í fyrri hálfleik hefði liðið átt að fá vítaspyrnu þegar brotið var á Ander Herrera.
Liðið spilaði hins vegar einn af sínum slakari leikjum í vetur og það kom í bakið á þeim á 73 mínútu leiksins þegar Jay Rodriguez tryggði sigur gestanna. Sigur City í deildinni því staðreynd en liðið hefur haft rosalega yfirburði.
Leikmenn City voru í fríi en margir af leikmönnum liðsins hittust á knæpu í úthverfi Manchester.
Þangað komu stuðningsmenn líka og sungu og drukku með leikmönnunum.
Myndband af því er hér að neðan.