Manchester City varð í gær enskur meistari nú þegar fimm umferðir eru eftir.
Pep Guardiola ætlar sér að byggja upp stórveldi hjá City.
City hefur strax sett stefnuna á endurheimta titilinn á næstu leiktíð og verða fyrsta liðið síðan 2009 til að vinna deildina tvö ár í röð. Það gerði Manchester United.
Sagt er í enskum blöðum í dag að Guardiola muni eyða í kringum 100 milljónum punda í leikmenn.
Þar eru nefndir til sögunnar, Riyad Mahrez og Fred miðjumaður Shaktar Donetsk.
Mahrez var nálægt því að fara til City í janúar frá Leicester og Fred hefur lengi verið á óskalista félagsins.