Manchester United sá til þess að í dag varð Manchester City enskur meistari. United tók á móti West Brom á heimavelli, slakasta liði ensku úrvalsdeildarinnar.
City vann Tottenham í gær og með tapi United í dag er liðið orðið enskur meistari þegar fimm leikir eru eftir. United átti afar slakan leik í dag en í fyrri hálfleik hefði liðið átt að fá vítaspyrnu þegar brotið var á Ander Herrera.
Liðið spilaði hins vegar einn af sínum slakari leikjum í vetur og það kom í bakið á þeim á 73 mínútu leiksins þegar Jay Rodriguez tryggði sigur gestanna. Sigur City í deildinni því staðreynd en liðið hefur haft rosalega yfirburði.
Pep Guardiola er fyrsti þjálfarinn frá Spáni til að vinna ensku úrvalsdeildina.
1 – Pep Guardiola is the first Spanish manager to win the English top-flight title. Pioneer. pic.twitter.com/9Br1HQZxyt
— OptaJoe (@OptaJoe) April 15, 2018