Ágúst Stefánsson hefur verið ráðinn sem markaðs- og viðburðarstjóri KA og verður hann deildum félagsins innan handar varðandi alla viðburði/leiki á þeirra vegum.
Einnig mun hann sjá um kynningu KA í gegnum heimasíðu félagsins, samfélagsmiðla, KA-TV, Podcast o.s.frv.
,,Með þessu er aðalstjórn að efla allt utanumhald um félagið og styðja um leið við allar deildir innan félagsins,“ segir á heimasíðu KA.
,,Ágúst hefur nú þegar hafið störf enda mikið framundan hjá félaginu eins og kynningarkvöld fyrir Pepsideildina, Öldungur, úrslitakeppni í blaki og úrslitakeppni í handbolta og því er Gústa bara hent beint í djúpu laugina en félagið væntir mikils af störfum Gústa í framtíðinni.“
Félög í efstu deild karla á Íslandi eru að vakna af værum blundi en Breiðablik réð mann í sama starf á dögunum.