Borgarráð Reykjavíkur samþykkti á fundi sínum í gær erindi Knattspyrnufélagsins Víkings þar sem óskað var eftir því að settur yrði fullkominn gervigrasvöllur á aðalvöll félagsins í Víkinni að loknu keppnistímabilinu 2018.
Tillaga Knattspyrnufélagsins Víkings til Borgarráðs hljóðaði þannig að það fjármagn sem áætlað var að nota í að endurgera grasæfingasvæði félagsins yrði notað upp í kostnað við að setja fullkomið gervigras á aðalvöll félagsins haustið 2018, eða strax að loknu keppnistímabilinu, með tilheyrandi lýsingu, hitalögnum, vökvabúnaði og girðingum í kringum völlinn.
Mikill samhljómur er innan Víkings um þessa framkvæmd og mun þetta gjörbreyta aðstöðu til knattspyrnuiðkunar hjá félaginu.
Í Pepsi deidinni eru Stjarnan, Fylkir og Valur á gervigrasi og fleiri lið vilja bætast í þann hóp