Lokaspretturinn á undirbúningstímabili knattspyrnuliða er í gangi en keppni í Pepsi deild karla hefst eftir tvær vikur.
Margir hafa gagnrýnt hvernig undirbúningstímabilið er sett upp.
Síðasti mánuðurinn fyrir mót fer nánast bara í æfingaleiki nema fyrir þau lið sem komust í úrslit Lengjubikarsins.
FH er eitt af þeim liðum og hefur Ólafur Kristjánsson þjálfari liðsins gagnrýnt fyrirkomulag og skipulag KSÍ nokkuð harkalega. Fleiri hafa tekið undir.
FH er að leika æfingaleiki þessa dagana og á morgun mun liðið mæta Leikni. Það eru þó vandræði, ekki fæst dómari á leikinn.
,,Leiknir – FH kl 11 á Leiknisvelli á morgun. Vikuleit ad dómaratríói hefur ekki borið árangur. Allir uppteknir. 9 leikir i mfl á höfuðborgarsvæðinu á morgun, skv vef KSÍ. Er einhver laus þarna úti? 2 vikur í Pepsi deildina,“ skrifar Ólafur á TWitter.
Leiknir – FH kl 11 á Leiknisvelli á morgun. Vikuleit ad dómaratríói hefur ekki borið árangur. Allir uppteknir. 9 leikir i mfl á höfuðborgarsvæðinu á morgun, skv https://t.co/6Q9ROJVerI. Er einhver laus þarna úti? 2 vikur í @Pepsideildin #raunveruleiki #fotbolti
— OliK (@OKristjans) April 13, 2018