Það eru ekki nemar rúmar tvær vikur í það að keppni í Pepsi deild karla fari af stað og ljóst er að spennandi sumar er fram undan.
Valsmenn hafa titil að verja en FH, Stjarnan, KR, KA, Breiðablik og fleiri lið ætla sér að að veita Val samkeppni.
Keflavík og Fylkir eru nýliðar í deildinni en í hópum liðanna er mikil reynsla úr efstu deild.
Gunnar Jarl Jónsson, fyrrum dómari setti fram áhugaverða pælingu á Twitter um daginn þar sem hann bað fólk um að velja draumlið sitt úr Pepsi deildinni.
Þar komu fram nokkrar áhugaverðar tillögur en 433.is hefur tekið saman lið sem gæti hæglega verið draumalið Pepsi deildarinnar.
Liðið má sjá hér að neðan en gaman væri að fá að sjá þitt draumalið í ummælum hér að neðan.
Markvörður – Anton Ari Einarsson (Valur)
Hægri bakvörður – Birkir Már Sævarsson Valur
Miðverðir – Hallgrímur Jónasson (KA), Eiður Aron Sigurbjörnsson (Valur)
Vinstri bakvörður – Bjarni Ólafur Eiríksson (Valur)
Miðjumenn – Haukur Páll Sigurðsson (Valur), Davíð Þór Viðarsson (FH), Kristinn Freyr Sigurðsson (Valur)
Hægri kantmaður – Hallgrímur Mar Steingrímsson (KA)
Sóknarmaður – Steven Lennon (FH)
Vinstri kantmaður – Sigurður Egill Lárusson (Valur)