Newcastle 1-2 Wolves
0-1 Diogo Jota(17′)
1-1 Ayoze Perez(23′)
1-2 Matt Doherty(94′)
Wolves vann dramatískan sigur í ensku úrvalsdeildinni í dag er liðið mætti Newcastle á St. James’ Park.
Wolves komst yfir snemma leiks er Diogo Jota skoraði eftir 17 mínútur. Það dugði þó aðeins í sex mínútur en Ayoze Perez jafnaði svo fyrir heimamenn.
Snemma í síðari hálfleik dró til tíðinda er DeAndre Yedlin fékk að líta beint rautt spjald og Newcastle manni færri.
Liðið hélt þó lengi út en á 94. mínútu leiksins skoraði Matt Doherty fyrir gestina eftir skyndisókn og tryggði Wolves stigin þrjú.
Þetta var annar sigur Wolves í röð og er liðið nú í 10. sæti deildarinnar. Newcastle situr í 15. sætinu aðeins þremur stigum frá fallsæti.