Það er óhætt að segja að miðjumaðurinn Fred sé ekki að gera frábæra hluti hjá Manchester United.
Fred samdi við United í sumar en hann var keyptur fyrir 52 milljónir punda frá Shakhtar Donetsk í Úkraínu.
Fred virðist ekki vera inni í myndinni hjá Jose Mourinho og hefur aðeins fengið að byrja sex leiki.
Brasilíski fjölmiðillinn UOL greinir frá því í dag að Mourinho hafi lofað Fred ýmsu áður en hann skrifaði undir.
Portúgalinn tjáði Fred að hann yrði partur af hans ‘drauma miðju’ á Old Trafford ásamt þeim Paul Pogba og Nemanja Matic.
Mourinho virðist hafa svikið það loforð en hann hefur ekki mikinn áhuga á að spila brasilíska landsliðsmanninum.
Framtíð leikmannsins er í óvissu en þá er einnig óvíst hvort Mourinho verði sjálfur hjá félaginu næsta sumar.