Yerry Mina, leikmaður Everton á Englandi, átti erfiða æsku en fjölskylda hans í Kólumbíu bjó við mikla fátækt.
Mina fær vel borgað fyrir að spila knattspyrnu í dag en hann var keyptur til Everton frá Barcelona í sumar.
Þegar hann var 14 ára gamall þá gaf hann móður sinni loforð. Hann ætlaði að sjá til þess að hún myndi hafa það gott í framtíðinni.
,,Við vorum saman í leiguíbúð. Það var eitt herbergi fyrir okkur fjögur, mig, mömmu, pabba og bróðir minn,“ sagði Mina.
,,Ástandið var mjög erfitt. Pabbi reyndi að finna vinnu. Hann labbaði göturnar og leitaði sér að vinnu.“
,,Ég man eftir að hafa séð móður mína grátandi og sagði: ‘Hlustaðu mamma, ég ætla að byggja fyrir þig hús einn daginn. Ég mun passa upp á að hönd Guðs sjái um að mata þig.’
,,Ég vildi bara að hún vissi að framtíðin yrði betri, að hún myndi eiga gott heimili og borða góðan mat.“
,,Síðan þá, í hvert skipti sem ég ferðast og spila fótbolta þá segi ég við mig: ‘Ég ætla að fara á völlinn og vinna inn mat fyrir mömmu.’ Þar finn ég styrk.“