Eddie Howe, stjóri Bournemouth á Englandi, er mikill aðdáandi vængmannsins Mohamed Salah.

Salah var frábær í gær er Liverpool heimsótti Bournemouth í ensku úrvalsdeildinni og skoraði þrjú mörk í 4-0 sigri.

Howe viðurkennir það að Salah sé einn besti leikmaður heims í dag en hann var markakóngur á Englandi á síðustu leiktíð.

Jurgen Klopp lýsti Salah sem einum besta leikmanni heims eftir leikinn í gær og tekur Howe undir þau ummæli.

,,Salah leit ansi vel út er það ekki?“ sagði Howe á blaðamannafundi eftir leikinn.

,,Hann leit út fyrir að vera í topp formi og við áttum í vandræðum með að halda í hann. Hann er einn sá besti í heiminum.“