Troy Deeney, leikmaður Watford, skilur ákvörðun Richarlison að yfirgefa félagið fyrir Everton í sumar.

Richarlison er aðeins 21 árs gamall en er orðinn fastamaður hjá Everton og stendur sig vel.

Deeney og Richarlison voru samherjar á síðustu leiktíð en mætast svo í ensku úrvalsdeildinni á morgun.

,,Ég var ekki vonsvikinn þegar hann fór því þetta var skiljanlegt,“ sagði Deeney.

,,Það var hægt að sjá gæðin hans daglega og hversu metnaðarfullur hann er. Nú er landsliðið að fylgjast með honum.“

,,Ég vil þó ekki hrósa honum of mikið því ég mun þurfa að brjóta hann á mánudaginn. Hann er óvinurinn.“