Dimitar Berbatov, fyrrum leikmaður Manchester United, hefur fylgst aðeins með Arsenal á þessari leiktíð.

Berbatov er hrifinn af hinum 19 ára gamla Matteo Guendouzi sem fær reglulega að spila hjá félaginu.

Búlgarinn segir að hann verði oft pirraður á því að horfa á Guendouzi vegna sjálfstraustsins sem leikmaðurinn spilar með.

,,Hann er 19 ára gamall en spilar eins og hann hafi verið þarna alla ævi,“ sagði Berbatov.

,,Stundum þegar ég horfi á hann þá langar mig að spila gegn honum því þetta sjálfstraust sem hann er með pirrar mig mikið.“

,,Hann er með svo mikið sjálfstraust á boltanum og er alls staðar á vellinum. Hann er í vítateignum, hinum vítateignum og hleypur án vandræða.“

,,Þú getur verið 19 ára gamall og spilað eins og þú sért 24 ára. Aldur skiptir ekki máli, hann er ótrúlegur.“