Jose Mourinho hefur gefið frá sér yfirlýsingu eftir að hafa verið rekinn frá Manchester United í gær.
Mourinho vildi lítið segja um brottreksturinn en hann talar um hversu stoltur hann var hjá félaginu.
Einnig mun Portúgalinn ekki tala illa um fyrrum leikmenn og vonar að fjölmiðlar virði það.
,,Ég kef klæðst merki Manchester United ótrúlega stoltur alveg síðan ég kom til félagsins,“ sagði Mourinho.
,,Ég trúi því að allir stuðningsmenn þekki það. Alveg eins og hjá mínum fyrrum félögum þá hef ég unnið með frábæru fólki og tel að sumir verði vinir mínir alla ævi.“
,,Ég veit að þið þekkið öll mínar hefðir sem atvinnumaður. Eftir að kaflanum er lokið þá sýni ég félaginu mína mestu virðingu.“
,,Ég tjái mig ekki um fyrrum samstarfsfélaga. Ég vona að fjölmiðlar virði það og leyfi mér að lifa venjulegu lífi þar til ég sný aftur.“
,,Gleðileg jól, Jose Mourinho.“