Jose Mourinho var í dag rekinn frá Manchester United á Englandi en það hefur ekki farið framhjá mörgum.
Það var lengi kallað eftir því að Mourinho yrði rekinn en hann tók við keflinu á Old Trafford árið 2015.
Spilamennska United á þessu tímabili var alls ekki nógu góð og ákvað félagið nú að losa sig við Portúgalann.
Mourinho hefur kallað Lowry hótelið sitt heimili síðustu 900 daga en hann keypti sér ekki hús í Manchester.
Mourinho þekkti starfsfólkið mjög vel og miðað við fréttir kvöldsins verður hans sárt saknað eftir að hafa hreinsað herbergi sitt í dag.
The Daily Mail greinir frá því að Mourinho hafi borðað á hótelinu í síðasta skiptið í dag og kvaddi starfsfólkið.
,,Hann leitaði að ákveðnu fólki [til að kveðja] og hann leit út fyrir að vera í góðu skapi,“ er haft eftir heimildarmanni Mail.
,,Margir starfsmenn virtust vera í uppnámi og fengu faðmlag í kjölfarið.“
Greint er frá því að tár hafi fallið á meðal starfsfólks sem líkaði mjög vel við Portúgalann litríka.