Mauricio Pochettino, stjóri Tottenham á Englandi, vill koma til greina sem nýr þjálfari Manchester United.
The Times fullyrðir þessar fregnir í dag en United leitar nú að nýjum stjóra eftir brottrekstur Jose Mourinho.
Mourinho var rekinn frá United í dag og er óvíst hver mun taka við keflinu endanlega en Michael Carrick mun þjálfa liðið tímabundið.
Times segir að Pochettino hafi áhuga á að færa sig yfir þrátt fyrir að eiga yfir fjögur ár eftir af samningi sínum.
Það myndi kosta United 34 milljónir punda að taka Argentínumanninn af Tottenham en hann skrifaði undir nýjan samning nýlega.
Times nefnir að það yrði erfitt fyrir Pochettino að hafna boði United ef félagið ákveður að leita til hans.