Manchester United hefur staðfest að búið sé að reka Jose Mourinho frá félaginu.

Mourinho er rekinn frá United eftir slæmt tap gegn Liverpool á sunnudag, stjórn United hefur fengið nóg. Mourinho er á sínu þriðja tímabili með félagið en gengi liðsins í ár hefur verið slakt. United er langt frá toppliðum deildarinnar en Mourinho vann þrjá titla á fyrstu leiktíð sinni, síðan þá hefur hallað undan fæti.

Mourinno mætti á æfingasvæði félagsins klukkan 9:02 í morgun, hann var eins og alltaf keyrður á svæðið á glæsilegum Jaguar bíl. 44 mínútum síðar var hann búinn að funda með Ed Woodward, stjórnarformanni félagsins sem rak hann úr starfi.

Það var nokkuð létt yfir Mourinho á leið á æfinguna og eflaust taldi hann að hann myndi fá lengri tíma í starfinu.

Jamie Jackson, blaðamaður Guardian segir frá því að Mourinho hafi verið mjög hissa að uppsagnarbréfið hafi beðið hans í morgun. Hann bjóst við því að fá lengri tíma til að rétta skútuna af.

Einnig segir blaðamaðurinn að Mourinho ætli að halda áfram að þjálfa félagslið en hann er orðaður við Real Madrid og Inter.

Also: ‘100%’ JM wants to continue in club management… https://t.co/uejnm0badl

— jamie jackson (@JamieJackson___) December 18, 2018