Chelsea hefur áhuga á að kaupa framherjann Callum Wilson sem spilar með Bournemouth.

Þetta hefur Gianfranco Zola, aðstoðarstjóri Chelsea, staðfest en Wilson hefur verið orðaður við Chelsea undanfarið.

Chelsea spilar við Bournemouth í deildarbikarnum á morgun þar sem Wilson gæti mætt til leiks.

,,Ég er viss um að það séu fjölmargir leikmenn sem eru orðaðir við okkur,“ sagði Zola.

,,Callum Wilson er svo sannarlega að gera mjög vel og við höfum áhuga. Ekki bara við heldur fleiri lið.“

,,Hann er sterkur, hann er hraður og hann sér markið. Hann er snöggur og góður í loftinu sem er mikilvægt.“

,,Ég vil ekki tjá mig mikið meira um það. Hann stendur sig mjög vel og ég er ánægður fyrir hans hönd.“