Pepe, fyrrum varnarmaður Real Madrid, yfirgaf lið Besiktas á dögunum og er nú án félags.
Pepe gerði garðinn frægan með bæði Porto og Real Madrid og hefur unnið ófáa titla á ferlinum.
Hann hefur aldrei reynt fyrir sér á Englandi en samkvæmt frétt Record gæti það nú gerst í fyrsta sinn.
Record er portúgalskur miðill og miðað við fréttir kvöldsins gæti Pepe verið á leið til Wolves.
Það kemur ekki mikið á óvart en hjá Wolves eru fjölmargir Portúgalar og er þjálfari liðsins Nuno Santo einnig portúgalskur.
Umboðsmaður Pepe er hinn portúgalski Jorge Mendes sem er einnig umboðsmaður Ruben Neves og Diogo Jota hjá Wolves.