Manchester United hefur staðfest að búið sé að reka Jose Mourinho frá félaginu. Mourinho er rekinn frá United eftir slæmt tap gegn Liverpool á sunnudag, stjórn United hefur fengið nóg.
Mourinho er á sínu þriðja tímabili með félagið en gengi liðsins í ár hefur verið slakt. United er langt frá toppliðum deildarinnar en Mourinho vann þrjá titla á fyrstu leiktíð sinni, síðan þá hefur hallað undan fæti.
Enska götublaðið, Mirror segir að líklegast sé að Laurent Blanc taki við liðinu út tímabilið. Michael Carrick stýrir æfingum næstu daga.
Blanc lék með Manchester United og ætti að þekkja félagið, hann hefur stýrt franska landsliðinu og PSG.
Stjórn United vill ráða tímabundinn stjóra og skoða málið næsta sumar, líklegast er að United muni reyna að fá Mauricio Pochettino til starfa næsta sumar frá Tottenham.