Michael Carrick mun taka tímabundið við Manchester United, til að byrja með. Hann tekur við eftir að Jose Mourinho var rekinn frá félaginu í dag.
Manchester United staðfesti fyrir stundu að Mourinho hefði verið rekinn úr starfi sínu, tíðindin koma tveimur dögum eftir tap gegn Liverpool.
Mourinho hefur ekki virkað ánægður í starfi á þessu tímabili, deilur hans við stjórn félagsins um leikmannakaup hafa haft áhrif.
Gengi United hefur verið í frjálsu falli og erfitt að sjá Mourinho snúa því við. Leikmenn höfðu margir ekki áhuga á að spila fyrir hann.
Carrick mun því stýra æfingum þessa næstu daga, en enskir miðlar segja möguleika á því að annar stjóri komi svo og klári tímabilið.
Málið er í skoðun og mun United reyna að finna farsæla lausn á næstu 48 klukkustundum.
Carrick set to take charge of Man Utd until end of season #MUFC @MirrorFootball
— David McDonnell (@DiscoMirror) December 18, 2018