Manchester United þarf að borga ótrúlega upphæð ef félagið losar sig við knattspyrnustjórann Jose Mourinho.
Mourinho er valtur í sessi þessa dagana en United er heilum 19 stigum frá toppliði Liverpool.
Gengið virðist ekki vera að batna en þó er líklegt að Portúgalinn fái að stýra liðinu út tímabilið.
Ef United rekur Mourinho fyrir lok janúargluggans þarf félagið að borga honum í kringum 24 milljónir punda.
Þessi upphæð minnkar um sex milljónir næsta sumar ef Mourinho tekst ekki að koma liðinu í Meistaradeildina.
Mourinho skrifaði aðeins undir nýjan samning við félagið í janúar á þessu ári og á því nóg eftir.