Jose Mourinho stjóri Manchester United verður ekki rekinn úr starfi sínu í bráð. Þetta fullyrðir Guardian og fleiri miðlar segja frá.
Manchester United er í slæmri stöðu eftir tap gegn Liverpool á Anfield í gær. Liðið þarf kraftaverk til að ná Meistaradeildarsæti á þessari leiktíð, spilamennska liðsins hefur verið slök.
Mourinho er á sínu þriðja tímabili með liðið og eftir ágætis tímabil í fyrra, hefur allt hrunið í ár.
Stjórn Manchester United ætlar samt ekki að reka hann í bili samkvæmt Guardian, stjórnin trúir því að Mourinho getir snúið þessu við.
Mirror heldur því fram að þrjár ástæður séu fyrir því að Mourinho muni ekki verða rekinn strax.
Fyrsta ástæðan:
Stjórn Manchester United telur að enn sé möguleiki á að Mourinho komi liðinu í Meistaradeildarsæti.
Önnur ástæðan:
Stjórnin telur ekki rétta manninn í boði til að taka við, Michael Carrick sem hefur litla reynslu yrði því að taka við af Mourinho.
Þriðja ástæðan:
Zinedine Zidane vill taka við liðinu en stjórn Manchester United telur hann ekki vera rétta manninn.