Þórður Ingason, markvörðurinn knáii íhugar það alvarlega að hætta í fótbolta en ljóst er að hann mun ekki spila áfram með Fjölni.
Þetta kemur fram á vefmiðlinum, mbl.is. Ásmundur Arnarson tók við þjálfun Fjölnis í haust og er ekki áhugi fyrir áframhaldandi samstarfi.
Þórður hefur verið einn besti markvörður Pepsi deildarinnar síðustu ár en Fjölnir féll úr deildinni í haust.
„Ég er ekki viss eins og er. Það verður að vera eitthvað rosalega spennandi eftir áramót svo ég taki slaginn. Ég er búinn að vera í fríi og ekki heyrt í neinum enn þá,“ sagði Þórður við mbl.is.
Þórður hefur spilað 84 deildarleiki fyrir Fjölni en einnig hefur hann spilað fyrir BÍ/Bolungarvík og KR.