Steven Gerrard, stjóri Rangers, viðurkennir að hann sé vonsvikinn með ákvörðun Ovie Ejaria að snúa aftur til Liverpool.
Ejaria var í láni hjá Rangers fyrri hluta tímabils en hann spilaði 28 leiki fyrir Gerrard í öllum keppnum.
Hann ákvað hins vegar að snúa aftur til Liverpool á dögunum þrátt fyrir að fá reglulega að spila.
,,Hann er fyrst og fremst leikmður Liverpool svo ég verð að virða strákinn og hans einkamál,“ sagði Gerrard.
,,Ég vil þakka Liverpool fyrir tækifærið að hafa getað notað hann hálft tímabilið.“
,,Er ég vonsvikinn með að hann sé farinn? Já. Held ég að það sé rétt ákvörðun? Nei því hann var með ótrúlegt tækifæri hérna.“
,,Ég mun þó aldrei koma í veg fyrir að óánægður leikmaður fari, ég er með leikmenn sem vilja mikið klæðast treyjunni og myndu hlaupa í gegnum vegg til að ná því.“